Sunday, 05 Jul 2015
You are here: Home

Main Menu

Downloads

Calender

«  July 2015  »
MTWTFSS
 12345
6789101112
13141516171819
20212223242526
2728293031 
Welcome to Website of Debre Berhan Univeristy
Latest Events in DBU

ደብረ ብርሃን ዩኒቨርሲቲ ባህል ማዕከል ለ2ኛ ጊዜ ሀገር አቀፍ የጥናትና

ምርምር ሲምፓዚየም አካሄደ

ደብረ ብርሃን ዩኒቨርሲቲ ባህል ማዕከል የባህል ኢንዱስትሪ ጽንስ ሃሳብ ለባህልና ኢንዱስትሪ ትስስር(cultural industry thought for culture and industry linkage) በሚል መሪ ቃል 2ኛውን ሀገር አቀፍ የጥናትና ምርምር ሲምፓዚየም እና 3ኛ የምክክር መድረክ ከሚያዚያ 18-19 2007 ዓ.ም. በኢፌዲሪ የባህልና ቱሪዝም ሚኒስትር ዴኤታ የተከበሩ አቶ ሙሉጌታ ሰኢድ እና ሌሎች ታላላቅ ምሁራን፣ የደራሲያን ማህበር እና ከተለያዩ ቦታዎች ጥሪ የተደረገላቸው እንግዶች በተገኙበት የዘመኑን  አውደ-ጥናት አካሄዷል፡፡በእለቱ የደብረ ብርሃን ዩኒቨርሲቲ ፕሬዚዳንት አቶ ጌታቸው ተፈራ እንግዶችን እንኳን ደህና መጣችሁ ካሉ በኋላ ዩኒቨርሲቲው ከተቋቋመ ጀምሮ ዕድገት እያሳየ መምጣቱንና በከፍተኛ ትምህርት ተቋማት በአዋጅ በተሰጠው ተልዕኮ መሰረት በጥናትና ምርምር የታገዘ የመማር ማስተማር፣ ችግር ፈቺ ጥናትና ምርምር እንዲሁም ዕውቀትን መሰረት ያደረገ የማህበረሰብ አልግሎት አቅም በፈቀደ መልኩ በስፋትና በጥራት እያከናወነ መገኘቱን ገልፀዋል፡፡ በተጨማሪም የባህል ማዕከሉ ከተቋቋመ 3ኛ ዓመቱን የያዘ ሲሆን ከጊዜ ወደ ጊዜ አደረጃጀቱን እያጠናከረና የተለያዩ ተግባራትን እያከናወነ መሆኑን አስገንዝበዋል፡፡

በተጨማሪም ፕሬዚደንቱ በንግግራቸው የባህልና ኢንዱስትሪ ትስስር ያላቸውን ሀገራዊ ፋይዳ በመግለጽ፡፡ በአሁኑ አውደ ጥናት በመሪ ቃሉ መሰረት የሚቀርቡ ጽሁፎችን በመከታተል የባህል ማዕከሉን ያጠናክሩታል፣ ይገነቡታል የሚሏቸውን ሙያዊ አስተያየቶች ተሣታፊዎች እንዲያበረክቱ አሳስበው አውደ ጥናቱ በይፋ የተከፈተ መሆኑን አብስረዋል፡፡ በኢፌዲሪ የባህልና ቱሪዝም ሚኒስትር ዴኤታ የተከበሩ አቶ ሙሉጌታ ሰኢድ በበኩላቸው ባህል ከቱሪዝም ኢንዱስትሪ ጋር  ቁርኝት እንዲፈጥር በማድረግ  ለሀገር እድገት  የሚሰጠው ፋይዳ የጎላ መሆኑን ገልጸው ባህልን ከኢንዱስትሪ ጋር  በማስተሳሰር የሀገራችንን  እድገት እንዲፋጠን ማድረግ የሁሉም  ዜጋ ሃላፊነት መሆኑን በአንክሮ አስገንዝበዋል፡፡ 

በሲምፓዚየሙ የመክፈቻ ዕለት የደብረ ብርሃን ዩኒቨርሲቲ ፕሬዚዳንት አቶ ጌታቸው ተፈራ እና የደራሲያን ማህበር ተወካይ አቶ አንዷለም አባተ ተቋማቸውን በመወከል በጋራ ለመስራት የሚያስችል የሁለትዮሽ የስምምነት ፊርማ ተፈራርመዋል፡፡ አቶ አንዷለም አባተ የደራሲያን ማህበር ተወካይ ስምምነቱ በተፈፀመበት ወቅት እንደተናገሩት ከደብረ ብርሃን ዩኒቨርሲቲ ጋር የስምምነት ፊርማ መደረጉ እንዳስደሰታቸው ገልጸዋል፡፡

በመቀጠልም በደብረ ብርሃን ዩኒቨርሲቲ በባህል ማዕከል የባህል ቡድን ጣዕመ ዜማዎች፣ ውዝዋዜና መነባንብ ለታዳሚው አቅርበዋል፡፡ እንዲሁም የግዕዝ ቅኔ በተማሪዎች ቀርቦ አድናቆትን አትርፏል፡፡ በአውደ ጥናቱ ዕለት ሲምፓዚየሙን በንግግር የከፈቱት አቶ ተፈሪ አድነው የዩኒቨርሲቲው ጥናትና ምርምር እና ማህበረሰብ አገልግሎት ም/ፕሬዚዳንት ሲሆኑ፤ ደብረ ብርሃን ዩኒቨርሲቲ ከተመሰረተ ጀምሮ የተለያዩ ስራዎችን እያከናወነ የሚገኝ መሆኑንና በዚህ ዓመት የባህል ኢንዱስትሪ ጽንሰ ሀሳብ ለባህልና ኢንዱስትሪ ትስስር በሚል መሪ ቃል የባህል ማዕከሉ ሲምፓዚየም መከበሩን እንዲሁም ይህ ጽንሰ ሀሳብ በከፍተኛ ትምህርትም ሆነ በባህል ተቋማት ያልተዳሰሰ መሆኑን ገልፀዋል፡፡ በመቀጠልም በሲምፓዚየሙ በሚቀርቡ ምርምሮች ላይ በንቃት በመወያየት ሰፊ ግንዛቤ እንዲጨበጥና የዕውቀት ሽግግር እንዲኖር ሀሳባቸውን ገልፀዋል፡፡

በሲምፓዚየሙ ዕለትም 11 የተለያዩ ጽሁፎች በተለያዩ አቅራቢዎች የቀረቡ ሲሆን፤ ጥናቶቹ ከቀረቡ በኋላ ሰፊ ውይይት ተደርጐባቸዋል፡፡ በመጨረሻም ተሳታፊዎች ዩኒቨርሲቲው ይህንን ታላቅ ሲምፓዚየም በማዘጋጀቱ አመስግነው በሚቀጥለው ዓመት መስተካከል ያለባቸውን አስተያየቶች በመስጠት አውደ ጥናቱ ተጠናቋል፡፡

 

በዩኒቨርሲቲው የባህል ማዕከል የግዕዝ ቋንቋ ተናጋሪዎች ቤተሰብ ተመሰረተ

በደብረብርሃን ዩንቨርሲቲ ባህል ማዕከል የግዕዝ ቋንቋ ተናጋሪዎች ቤተሰብ መጋቢት 24 ቀን 2007 ዓ.ም ተመሰረተ፡፡ የቋንቋው ተናጋሪዎች ቤተሰብ መመስረቱ ዘርፈ ብዙ ጠቀሜታዎች እንዳለው የምስረታ ስነ ስርዓቱ ተሳታፊዎች ተናግረዋል፡፡

የምስረታ ስነስርዓቱን በንግግር የከፈቱት የደብረብርሃን ዩንቨርሲቲ የጥናትና ምርምርና ህብረተሰብ አገልግሎት ምክትል ፕሬዝዳንት አቶ ተፈሪ አድነው በአገራችን በግእዝ ቋንቋ የተፃፉና አለም አቀፋዊ ጠቀሜታ ያላቸው ጥንታዊ መዛግብት በብዛት እንደሚገኙ ገልፀው ቋንቋው የነባር እውቀትና መረጃ ምንጭ በመሆኑ ትኩረት ሊሰጠው ይገባል ብለዋል፡፡

የቀድሞው ባህልና ታሪካችን የተፃፈበት የግእዝ ቋንቋ በአለም አቀፍ ደረጃ የበርካታ ጥናትና ምርምሮች ማዕከል ሆኖ ይገኛል ያሉት ምክትል ፕሬዝዳንቱ ዳግም አንሰራርቶ የሚጠበቀውን አገራዊ ጠቀሜታ እንዲያስገኝ ዩንቨርሲቲው የሚጠበቅበትን እንደሚወጣ ተናግረዋል፡፡ 

የዩንቨርሲቲው የባህል ማዕከል ዳይሬክተር አቶ ዝናወርቅ አሰፋ በግዕዝ ቋንቋ ምንነትና አመጣጥ ዙሪያ ባቀረቡት የመወያያ ፅሑፍ በተለይም በአገሪቱ የመካከለኛው ዘመን ታሪክ ቋንቋው በስነ ፅሑፍ ረገድ ወደ ከፍተኛ ደረጃ የተሸጋገረበት እንደነበር ጠቅሰው በተለያዩ ምክንያቶች በቤተ ክህነት አካባቢ ብቻ ሊወሰን መቻሉን አስረድተዋል፡፡

በበርካታ የአገሪቱ አካባቢዎች በተፈጥሯዊም ሆነ ማህበራዊ ዘርፎች ዘርፈ ብዙ ጠቀሜታ ያላቸው ጥንታዊ የብራና መፃህፍት በግዕዝ ቋንቋ ተፅፈው እንደሚገኙ በመወያያ ፅሁፋቸው ያመለከቱት አቶ ዝና መዛግብቱን ጥቅም ላይ ለማዋል በተለይም ቋንቋው ስርዓተ ትምህርት ተቀርፆለት በሁሉም የትምህርት ደረጃዎች እንዲሰጥ በማድረግ በኩል መንግስት የድርሻውን ሊወጣ እንደሚገባ አሳስበዋል፡፡

የዩንቨርሲቲው የድህረ ምረቃ ትምህርት ቤትና የታሪክ መምህር የሆኑት ዶክተር ደረሰ አየናቸው በበኩላቸው በጀርመኑ ሃምቡርግ እና በጣሊያኑ ፓሪስ ዩንቨርሲቲዎች በትምህርት ክፍሎች ደረጃ እየተሰጠ ከመሆኑም ባሻገር ሰፊ ጥናትና ምርምር እየተካሄደበት አስረድተው በአገራችንም ተመሳሳይ ተግባራትን ለማከናወን በዩኒቨርሲቲው ውሥጥ የተመሰረተው የቋንቋው ተናጋሪዎች ቤተሰብ ጅምር እንቅስቃሴ ተደርጎ ሊወሰድ እንደሚችል ገልጸዋል፡፡


Read more...