Wednesday, 04 Mar 2015
You are here: Home

Main Menu

Downloads

Calender

«  March 2015  »
MTWTFSS
 1
2345678
9101112131415
16171819202122
23242526272829
3031 
Welcome to Website of Debre Berhan Univeristy
Latest Events in DBU

በአዳማ በተካሄደው የስፖርት ፌስቲቫል የደብረብርሃን ዩኒቨርሲቲ 2

ዋንጫዎችንና 21 ሜዳልያዎችን በማግኘት ውድድሩን አጠናቀቀ

ዩንቨርሲቲው 2 ዋንጫዎችን ያገኘው በጥያቄና መልስ እና በቡድን በተገኘው የሴቶች አትሌቲክስ አጠቃላይ ውጤት ሲሆን ካሰባሰባቸው 22 ሜዳልያዎች ውስጥ 12ቱ ወርቅ ሲሆኑ 4ቱ የብር ቀሪዎቹ 6ቱ ደግሞ የነሃስ ናቸው፡፡

የወንዶችና ሴቶች ሩጫ እና ርዝመት ዝላይ፣ ፓራሊምፒክ ሩጫ እና ርዝመት ዝላይና ጦር ውርወራ የደብረብርሃን ዩንቨርሲቲ የወርቅ ሜዳልያ ያገኘባቸው የውድድር አይነቶች ሲሆኑ የብርና የነሃስ ሜዳልያዎቹ ደግሞ በሩጫ፣ በዱላ ቅብብሎሽና በርዝመት ዝላይ የተገኙ ናቸው፡፡

ዘላለም ይሁኔ በወንዶች 800 እና 1500 ሜትር ሩጫ 2 የወርቅ ሜዳልያዎችን፤ በሴቶች ነፃሰው ታደለ በ 3000 እና በ800 ሜትር ሩጫ 2 የወርቅ ሜዳልያዎችን ለዩንቨርሲቲው ያስገኙ ተወዳዳሪዎች ናቸው፡፡

በፓራሊምፒክ ስፖርቶች አብራራው አለልኝ በ400 እና 100 ሜትር ሩጫ እና በጦር ውርወራ 3 ወርቆችን፤ አባይ ፈንቴ በ400 እና 200 ሜትር ሩጫ እና በርዝመት ዝላይ 3 የወርቅ ሜዳልያዎችን ያስገኙ ተሳታፊዎች ናቸው፡፡

በአዳማ ዩንቨርሲቲ ጥር 23 ቀን እስከ የካቲት 8 ቀን 15 ተከታታይ ቀናት በተካሄደው የስፖርት ፌስቲቫል ላይ ዩንቨርሲቲውን ወክለው ለተሳተፉ ተወዳዳሪዎችና ሌሎች አካላት የካቲት 8 ቀን 2007 በዩንቨርሲቲው ማህበረሰብ አባላት ሞቃት አቀባበል ተደርጎላቸዋል፡፡

በአቀባበል ስነ ስርዓቱ ላይ የተገኙት የዩንቨርሲቲው ፕሬዝዳንት አቶ ጌታቸው ተፈራ በተገኘው ውጤት መደሰታቸውን ገልፀው በተለይም በርካታ ውጤቶች የተገኙበትን የአትሌቲክስ ስፖርት ለማጠናከር ዩንቨርሲቲው የጀመረውን ጥረት አጠናክሮ እንደሚቀጥል ገልፀዋል፡፡ 


ደብረብርሃን ዩኒቨርሲቲ እና ቴራ ግሎባል ኢነርጂ የፈጠሩት አጋርነት ዘርፈ

             ብዙ ጠቀሜታ እንዳለው ተገለፀ

የደብረብርሃን ዩኒቨርሲቲ ቴራ ግሎባል ኢነርጂ  ከተሰኘው እና በአለም አቀፍ ደረጃ በንፋስ ሃይል ማመንጫ ተከላ ስራ ከተሰማራው ድርጅት ጋር የፈጠረው አጋርነት በዘርፉ ብቁ የሆነ ትውልድ ከመፍጠር በተጨማሪ የአካባቢውን ህብረተሰብ ዘርፈ ብዙ ተጠቃሚ ለማድረግ እንደሚያስችለው ተገለፀ፡፡ ትናንት የካቲት 12 ቀን 2007 ዓ.ም ዩንቨርሲቲውና ቴራ ግሎባል ኢነርጂ የተለያዩ አካላት የተሳተፉበት የውይይት መድረክ አዘጋጅተዋል፡፡

የውይይት መድረኩን በንግግር የከፈተቱት የደብረብርሃን ዩኒቨርሲቲ የጥናትና ምርምር ህብረተሰብ አገልግሎት ምክትል ፕሬዝዳንት አቶ ተፈሪ አድነው እንደገለጹት ዩንቨርሲቲው እና ቴራ ግሎባል ኢነርጂ የስምምነት ሰነድ ከተፈራረሙበት ከጥቅምት ወር 2005 ዓ.ም ጀምሮ በነፋስ ሃይል ዙሪያ የጥናት ስራዎችን በጋራ በማከናወን ላይ ይገኛሉ፡፡ ይህም የዩንቨርሲቲውን የምህንድስና ትምህርት ከማጠናከር በተጨማሪ በሃይል አቅርቦት፣ በእውቀት ሽግግርና የስራ እድል ፈጠራ የአካባቢውን ህብረተሰብ ተጠቃሚ ለማድረግ እንደሚያግዝ አስረድተዋል፡፡

ቴራ ግሎባል ኢነርጂ ለንፋስ ሃይል ማመንጫ ጥናት የሚያግዙ መሳሪያዎችን በዩኒቨርሲቲው ግቢ ውስጥ በመትከል መሰረታዊ መረጃዎችን በመሰብሰብ ላይ ይገኛል ያሉት አቶ ተፈሪ በበሬሳ ወንዝ ላይ በጣልያን ተገንብቶ የነበረውን የውሃ ሃይል ማመንጫ መልሶ ወደ ስራ ለማስገባት በዩኒቨርሲቲው የምህንድስና ቡድን ተቋቁሞ የጥናት ስራ እየተከናወነ መሆኑን ጠቁመዋል፡፡

የቴራ ግሎባል ኢነርጂ ዳይሬክተር በኃይሉ በበኩላቸው ከደብረብርሃን ዩኒቨርሲቲ ጋር በንፋስ ሃይል ዙሪያ እያደረጉት ያለው የጋራ ስራ ውጤታማ እየሆነ መምጣቱን ጠቅሰው ወደ ፕሮጀክት ትግበራው ለመግባት ከኢትዮጵያ ኤሌክትሪክ ሃይል ኮርፖሬሽን ጋር ቅድመ ሁኔታዎች እየተጠናቀቁ መሆናቸውን ተናግረዋል፡፡ ድርጅታቸው በሰንቦ እና በጫጫ አካባቢ የንፋስ ሃይል መረጃ መሰብሰቢያ ተክሎ ቅድመ ሁኔታዎችን በማመቻቸት ላይ መሆኑን ጠቁመው ለመጀመሪያው የፕሮጀክቱ የግንባታ ምዕራፍ ከሚያስፈልገው ወጪ ውስጥ ከ85 በመቶ በላይ የሚሆነውን ማዘጋጀት መቻላቸውን ገልፀዋል፡፡

በይይቱ ላይ የተገኙት የደብረብርሃን ከተማ ከንቲባ አቶ ጌታነህ ዝቄ  በበኩላቸው የንፋስ ሃይል ማመንጫ ግንባታው ፈጣን እድገት በማስመዝገብ ላይ እንዲሁም በኢንዱስትሪው ዘርፍ ከፍተኛ የኢንቨስትመንት ፍሰት በማስተናገድ ላይ ለምትገኘው የደብረብርሃን ከተማ መልካም እድል መሆኑን ተናግረዋል፡፡


የደብረብርሃን ዩንቨርሲቲ በተጠናቀቀው ግማሽ ዓመት የተሻለ የስራ አፈፃፀም

                   ማስመዝገቡ ተገለፀ

የደብረብርሃን ዩኒቨርሲቲ በዘንድሮው የ2007 ትምህርት ዘመን የመጀመሪያ አጋማሽ በልማት ሰራዊት አደረጃጀት በመታገዝ በእቅድ ያስቀመጣቸውን አብዛበኞቹን ተግባራት በተሻለ መልክ መፈፀም መቻሉን ገለፀ፡፡ ዩንቨርሲቲው የካቲት 17 ቀን 2007 ዓ.ም አጠቃላይ አመራሮች የአስተዳደር ሰራተኞችና መምህራን በተገኙበት የ6 ወራት የስራ አፈፃፀሙን ገምግሟል፡፡

በዚሁ ወቅት ፕሬዝዳንቱ አቶ ጌታቸው እንዳሉት በግማሽ ዓመቱ በተለይም በመማር ማስተማር ስራው፣ በጥናትና ምርምር እና በማህበረሰብ አገልግሎት ዘርፎች የተሻለ አፈፃፀም መመዝገቡን ጠቅሰው ለዚህም ተግባራትን በተደራጀ አግባብ ለመፈፀም የተደረገው ጥረት አስተዋፅኦ እንዳደረገ ተናግረዋል፡፡

በዩንቨርሲቲው የፕላንና መረጃ ዳይሬክቶሬት ዳይሬክቶር አቶ በቀለ መአዛ የዩንቨርሲቲውን የ6 ወራት የስራ አፈፃፀም ሪፖርት ባቀረበቡበት ወቅት እንዳሉት በዩንቨርሲቲው ውስጥ በአሁኑ ወቅት ከ18 ሺ በላይ ተማሪዎች በመደበኛ እና በማታ መርሃ ግብር ትምህርታቸውን እየተከታተሉ እንደሚገኙ አስታውቀዋል፡፡ በስትራቴጂክ እቅዱ መሰረት አሁን በትምህርት ላይ የሚገኙት ተማሪዎች ቁጥር ከፍተኛ መሆኑን ገልፀዋል፡፡

በግማሽ ዓመቱ 15 ችግር ፈቺ የጥናትና ምርምር ተግባራትን ለማካሄድ ታቅዶ ሲሰራ እንደነበር አስታውሰው በተለያዩ መስኮች 65 ጥናትና ምርምሮች መከናወናቸውንና ይህም ከተቀመጠው ግብ አንፃር ከፍተኛ ውጤት የተገኘበት መሆኑን አመልክተዋል፡፡

በተጨማሪም በግማሽ ዓመቱ ዩንቨርሲቲው ከ3ሺ ለሚበልጡ በደብረብርሃንና በዙሪያው ለሚገኙ የህብረተሰብ ክፍሎች በምክር፣ በስልጠና፣ በህግ እና በሌሎች የድጋፍ ማዕቀፎች ነፃ የማህበረሰብ አገልግሎት መስጠቱን ጠቅሰው ይህም ከእቅዱ ከ39 በመቶ በላይ ብልጫ እንዳለው አብራርተዋል፡፡

አያይዘውም የሚዛናዊ ውጤት ተኮር ምዘና ሶፍትዌር ተዘጋጅቶ ወደ ስራ መግባቱን ጠቅሰው በ13 የስራ ክፍሎች በመተግበር ላይ ያለው የካይዘን አደረጃጀት በተሻለ መልክ ሲፈፀም መቆየቱንና ተናግረዋል፡፡ የተሻለ አፈፃፀም ያሳዩ አካላት በዩንቨርሲቲው በተዋቀረው የካይዘን ፐሮጀሞሽን ቡድን አማካይነት ልምዳቸውን ለሌሎች እንዲያካፍሉ መደረጉንም ገልፀዋል፡፡

መድረኩን በንግግር የዘጉት የዩንቨርሲቲው ፕሬዝዳንት አቶ ጌታቸው ተፈራ ግምገማው በስራ አፈፃፀም ረገድ የታዩ ክፍተቶችን ለማስተካከልና ቀጣይ ተግባራትን በተሻለ ለመፈፀም እድል እንደፈጠረ አመልክተዋል፡፡


Read more...