አትሌቲክስ ክለቦች ሻምፒዮና ውድድር ተጠናቀቀ

የደብረብርሃን ዩኒቨርሲቲ አትሌቲክስ ክለብ በአማራ ክልል የ7ኛው አትሌቲክስ ክለቦች ሻምፒዮና ላይ ወንዶችና ሴቶች እትሌቶችን በማሳተፍ ከጥር 03-07/2011 ዓ.ም በባህርዳር አለምአቀፍ ስታዲየም

 ባካሄደው ውድድር 10 ወርቅ 12 ብር እና 14 ነሀስ በመሰብሰብ አጠናቋል፡፡

የአማራ ክልል አትሌቲክስ ፌደሬሽን ምክትል ፕሬዝዳንት አቶ እምቢአለ ቦጋለ በመክፈቻ ንግግራቸው ወቅት እንደገለፁት ውድድሩ ወንድማማችነትን፣ ፍቅርን እና ወዳጅነትን በተግባር የሚገለጽበት በመሆኑን ተናግረዋል፡፡  አክለውም ም/ፕሬዝዳንቱ  እንደገለጹት የውድድሩ አላማ እትሌቶች ራሳቸውን የሚፈትኑበት፣ ለከፍተኛ ክለቦች ራሳቸውን የሚያስተዋውቁበትና የሚታጩበት እንዲሁም ክልሉን ወክለው የሚሳተፉ ምርጥ አትሌቶችን ለመምረጥ እንደሆነ አስረድተው ማንኛውም ተወዳዳሪ ክለብ ወይም አትሌት የተገኘውን ምቹ አጋጣሚ በአግባቡ እንዲጠቀሙበት አሳስበዋል፡፡

ከጥር 3 እስከ ጥር 7 ቀን 2011 ዓ.ም በባህርዳር አለምአቀፍ ስታዲየም በተካሄደው ውድድር ከ8 በላይ ከአትሌቲክስ ክለቦች የተሰባሰቡ በመቶዎች የሚቆጠሩ አትሌቶች ተሳታፊ ሆነዋል፡፡

የደብረብርሃን ዩኒቨርሲቲ አትሌቲክስ ክለብ ውድድሩ ተጀምሮ እስከሚጠናቀቅ በነበሩት ቀናት የአካባቢውን ባህል ልብስ በመልበስና በማስተዋወቅ፣ ውድድሩን በመልካም ስነ-ምግባር በማካሄድ እንዲሁም በአሰልጣኞችና አትሌቶች የተቀናጀ ተግባር የዋንጫ ተሸላሚ እንደሆኑ የክለቡ ስራ አስኪያጅና የዩኒቨርሲቲው የስፖርት ሳይንስ መምህሩ ረዳት ፕሮፌሰር ቴዎድሮስ አብር ገልጸዋል፡፡

CONTACT US

Communications Affairs Directorate 

Tel: +251116816286

Fax- 0116812065

Po.Box: 445

FPR@dbu.edu.et

Hailemariam Birke (PhD)

DBU President

JoomShaper